ТАЈНИТЕ НА КВАЛИТЕТОТ
Гарнитурата е најкористеното парче мебел во нашата дневна соба. Токму затоа потребно е истата да биде удобна, а истовремено и квалитетна.
Сигурно се прашувате зошто некоја гарнитура трае многу повеќе, зошто гарнитурата произведена од Мебел-Ви е поудобна и сл.
Ништо не е случајно кога станува збор за мебелот.
Квалитетот е доста важен фактор за изборот на мебел за Вашиот дом.
Мебел-Ви произведува удобен и квалитетен мебел 25 години. Квалитетот е нашата основна цел и препознатлива вредност (карактеристика).
Квалитетот на Мебел-Ви производите е загарантиран затоа што:
- Користиме ВИСОКОКВАЛИТЕТНИ СУРОВИНИ / репроматријали
- Следиме ИНОВАЦИИ И СВЕТСКИ ПРАКТИКИ ВО ПРОИЗВОДСТВО НА МЕБЕЛ
- СЕРТИФИЦИРАНО И ТЕСТИРАНО ПРОИЗВОДСТВО
ВИСОКОКВАЛИТЕТНИ СУРОВИНИ
Одличен производ се создава уште при изборот на суровини од кои е направен.
При изборот на суровините потребно е да се внимава истите да не влијаат штетно врз здравјето на купувчот/корисникот.
Тапациран мебел
Дрвена конструкција
Мебел-Ви користи букова граѓа која е со влажност од 10%, со што гарантираме дека нема појава на мувла после долги години користење.
Секое парче дрво кое е дел од конструкцијата на Мебел-Ви гарнитурата/ софата е обработено од сите 4 страни со што се отстранети сите паразити, сапрофити и габи кои делуваат штетно и алергиски.
Ова е еден од минималните стандардни за безбедност, кој многу ретко го запазуваат компаниите за мебел. Заради обемната работа и зголемените трошоци ретко кој од останатите компании за мебел внимава на овие детали.
Висококвалитетен штоф
Кога станува збор на тоа каква гарнитура сакаме, бојата и видот на штофот се многу важни. Многу производители користат штофови кои на прв поглед изгледаат убаво, но се многу тенки (тежина 250gr/m2), неквалитетни и неиздржливи.
Гарнитурите на Мебел-Ви гарантираат долготрајност и врвен квалитетет благодарение и на штофот во кој се изработени. Користиме штофови кои се со тежина 500gr/m2 што овозможуваат голема отпорност и долготрајност. Штофовите кои ги користиме истовремено ги имаат следниве карактеристики: “pet friendly”, “water repellent” и “easy clean”, со што се многу лесни за одржување.
Нежен допир и препознатлив квалитетет – главните карактеристики на секоја Мебел-Ви гарнитура.
HR сунѓер
Многу производители користат обичен и тенок сунѓер. За поголема удобност и истрајност потребно е гарнитурата да биде изработена од квалитетен HR (High Resilience) сунѓер и тоа со минимум 12cm дебелина. Друга особина која треба да се има во предвид е густината на сунѓерот. Доколку густината е помала од 35 kg/m3 истрајноста е помала и полесно доаѓа до деформација на сунѓерот.
Затоа може да бидете сигурни во изборот на Вашата нова Мебел-Ви гарнитура која е изработена од високо квалитетен ХР-35 сунѓер со одлична дебелина.
Гуртна
За максимална удобност на гарнитурата, а истовремено и рамномерно распоредување на мекоста на истата потребно е да се користат квалитетни и долготрајни колани/гуртни кои се ставаат под сунѓерот на секоја гарнитура.
Многу производители за да добијат производ по пониска цена користат обични подници или жичани основи. Ваквите гарнитури немаат долг рок на траење и се подложни на многу дефекти.
Мебел-Ви гарнитурите се произведени со гуртни од италијанскиот производител INTES – 10 години гаранција.
Метални механизми
Гарнитурите произведени од Мебел-Ви имаат многу функционалности: дополнителен простор за постелина, механизам за спиење, потпирачи за глава…
Механизмите за спиење се изработени од метални цевки со долготрајна издржливост и гаранција. Користиме механизми од познати светски компании: KOYO Јапонија, Eksan Турција…
Голема предност имаат гарнитурите кои имаат механизам за спиење, но потребно е истиот да биде квалитетен, метален и долготраен. Затоа бидете особено претпазливи и тестирајте т.е споредете со повеќе производители пред купувањето на гарнитура која има механизам за спиење.
Ногари
Ногарите на секоја софа / гарнитура се нејзината основа. Ногарите играат есенцијална улога во дизајнот / изгледот на гарнитурата, но истовремено тие се и главната потпора.
Затоа треба да внимаваме и да ги провереме истите пред купувањето на гарнитурaта.
Мебел-Ви софите се произведени со квалитетни и тестирани метални или дрвени ногари.
Гарнитурата од Мебел-Ви ќе Ви овозможи сигурност и можност да ја користите повеќе од 20 години.
Мултифункционални
Голем број купувачи сакаат да купат гарнитура со механизам за пуштање.
Да, тоа веќе и го имаме.
Но, дополнително аголните гарнитури произведени од Мебел-Ви имаат и друг дел за дополнителен простор за постелина.
Кога гарнитурата е спуштена дополнителниот дел е покриен со штоф – на овој начин спуштениот дел и другиот дел се целина. Многу производители за да заштедат – делот кој се спушта го прекриваат со обично бело тенко платно.
Одберете квалитет!
Одберете Мебел-Ви